ANALISIS CERITA DONGENG ANAK BAHASA JAWA
JUDUL DONGENG " Jagung sing Dak Enteni "
BAB I
AWALAN
A. Wiwitan
1. Praduga
(Alasan Rumusan Perkawis)
Wonten
ing basa Jawi, cerios dongeng asring dipun tegesi “dipaido yo keneng”. Teges
punika ugi leres amarga biasanipun mboten logis, mboten kasunyatan utawi
khayalan kemawon. Tindak saking anggapan kados punika, wonten tiyang sepuh
ingkang nggadahi pandangan menawi wonten zaman ingkang sampun modern punika
dongeng mboten trep utawi mboten pas menawi dipun paringaken wonten lare-lare,
ugi wonten tiyang sepuh ingkang nggadahi anggapan menawi imajinasi utawi khayalan
punika ingkang dimenehke lare nggih punika mboten guna. Lare-lare kedhah dipun
didik kanthi rasional, lan dipun kemotke wonten ing dunya ingkang nyata. Ana
ning leres lan mboten kalih anggapan punika mboten saged dipun pungkiri
berimajinasi utawi berkhayalan menika salah satunggaling panggenan kang wonten
ing lare-lare sedaya. Babagan punika saged dipun tingali menawi ingkang umume
lare-lare remen kalihan dongeng, ngantos-ngantos lare-lare mboten nate pernah
bosen mirengake dongeng ingkang asring dipun ceriosaken kalihan Guru nipun
pendhak dinten wonten sekolahan.
Kagem
lare-lare dongeng mboten kedhah logis, nggih menika dipun sebabaken daya
khayalan lare-lare taksih nggadahi peran utawi dipun saged tegesi menawi
kasunyatan (kedadeyan/realita) lan khayalan mboten saged dipun pisahaken saking
panguripan lare-lare ing alam ndonya. Lare-lare asring nggadahi bayangan wonten
sedaya kemawon. Uga wonten ing wekdal punika lare-lare asring nglakokne
dolanan-dolanan ingkang dipun gadahi kayata kenyataanipun. Kaliyan biasanipun
lare-lare ngajak ngedhikan kaliyan dolananipun kaliyan dipun gebuk menawi
dolananipun ndamel jengkel lan duka wonten ing jroning ati lare-lare. Kados pundi lare nggih menika nggih lare
ingkang nggadahi watak, sikap, lan kabutuhan ingkang mboten sami kaliyan marang
tiyang-tiyang ingkang sampun dewasa. Lare-lare remen mbetahaken wujud
perkembangan kepribadiannipun ingkang rata, mboten saking segi rasional utawa
akal pikiranipun kemawon.
Kados
punika cerios kaliyan fantasi nggih menika salah satunggaling tetenger utawi
ciri ingkang dipun nggadahi marang lare-lare sedaya uga nggadahi peran ingkang
ageng lan saged nambah khasanah
pengetahuan lare kaliyan ngemabangaken kemampuan lare wonten ing
ekspresi. Lare SD taksih remen
mirengaken dongeng bocah ingkang trep kaliyan umuripun, kita sedaya mendhet
dongeng bocah kanthi judul “ Jagung sing
Dak Enteni” amargi ceritanipun nggadahi isi utawa surasa ingkang becik sanget
kagem lare-lare SD. Dongeng kasebut nyritaaken lare kaliyan kaluwarganipun
menawi ing mangsa rendheng ingkang ndamel gregetan ana ning sanged ndamel
bungah ing ati amargi saged nanem kacang, jagung, pari lan sapanunggalannipun.
Wonten ing cerios kasebut wonten lare wadon ingkang asmane Wuri, lare wadon
ingkang sregep mbiyantu bapak kaliyan ibunipun nanem kacang lan jagung wonten
ing mangsa rendheng amargi bapaknipun Wuri nggih menika ugi among tani mboten
benten kaliyan sanesipun. Wuri taksih
sekolah kelas VI wonten ing SDN 2 Manjung. Wayah prei Wuri kaliyan Mbakyunipun
ingkang taksih sekolah ugi mbiyantu Bapak kaliyan Ibunipun ulur kacang kaliyan
jagung. Lare kalih punika lare ingkang prigel lan sregep mbiyantun tiyang
sepahnipun wonten saben mbendinanipun.
Wonten
wanci subuh bibar solat lajeng mbiyantu Ibunipun mangsak. Bibar mangsak kaliyan
sarapan lare niku ugi mbiyantu Bapake ingkang badhe uwur kacang kaliyan jagung
dhateng saben ngantos siang. Saben ingkang kagunganipun Bapak Wuri ugi lumayang
jembar kirang langkung setengah hektar ananing lare wadon punika mboten nate
mutung amargi dhewekenipun mbiyantu Bapake nganthos leres, sregep, lan wayah
prei ingkang saged mbiyantu bapaknipun wonten sawah. Panas srengenge mboten
ngalangi lare wadon punika kaliyan mbakyunipun ingkang mbiyantu tiyang
sepahnipun. Wanci luhur tiyang kaleh punika wangsul dhateng griyanipun lajeng
mangke bibar asar wangsul malih dhateng saben. Sak sampunipun dugi saben lare
wadon ingkang asmanipun Wuri punika trenyuh dhateng tiyang sepuhnipun amargi
sabar kaliyan premati anggonipun ngolah saben.
Miturut
ceritanipun, Wuri ugi lare ingkang sregep solat wonten wayah magrib
dhewekenipun solat wonten langgar sesarengan rencang-rencangnipun. Wuri lare
ingkang mboten nate manja kaliyan sambat sanadjan raganipun pegel, kesel
kaliyan ngantuk sanget. Wuri pengen dados lare ingkang bekti kaliyan tyang
sepahnipun mula dhewekenioun kedhah sregep nyambt damel, sregep sinau kaliyan
uga sregep ngibadah supados saged dados lare ingkang diimpekake dhateng tiyang
sepahnipun. Saking cerios kasebut, saged dipun trapaken dhateng lare SD, amargi
lakon wonten jero cerios kasebut nggadahi watak prigel kaliyan sregep mbiyantun
tiyang sepahnipun nyambut ndamel lan sregep slat ugi ngibadah supaya dados lare
ingkang saged dimpekake dhateng tiyang sepahnipun kaliyan saged ditrapaken
wonten lare-lare SD sedaya wonten ing kauripane.
2. Rumusan
Perkawis
a. Kados
pundi cerios dongeng bocah “Jagung sing dak Enteni” ?
b. Pripun
amanatipun saking cerios dongeng bocah “Jagung sing dak Enteni” ?
c. Kados
pundi caranipun ngudi amanatipun cerios dongeng bocah “Jagung sing dak Enteni”
dhumateng lare SD ?
d. Kados
pripun unsur instrinsik wonten cerios dongeng bocah “Jagung sing dak Enteni” ?
BAB
II
ISI
B. Amanatipun
cerios dongeng bocah “Jagung sing dak Enteni”
1. Carios
dongeng bocah “Jagung sing dak Enteni”.
Mangsa
rendheng cocok kangge makaryo para among tani, bias gawe nandur kacang, jagung,
pari lan akeh meneh. Koyo dene Bapak lan Ibuke Wuri lan Dewi sing dadi among
tani, Wuri sekolah ing SDN 2 Manjung kelas VI. Dewi iku mbakyune Wuri, saiki
sekolah ing SMK, kelas III. Saben esuk, Wuri tangi ing wayah adan Subuh banjur
sholat Subuh, rampung sholat Subuh banjur ngrewangi ibu lan mbakyune mangsak.
Dino iki Wuri lan Dewi diajak ngrewangi Bapak lan Ibu uwur jagung ing sawah.
Amargo mumpung dino minggu, dadi Wuri lan Dewi prei, bias ngrewangi Bapak lan
Ibu nyambut gawe. Wayah luhur, Wuri lan Dewi leren kanggo sholat Luhur,
ananging oleh bali menyang sawah sak wise Asar yen Wuri lan Dewi ora krasa
kesel. Wuri ngajak mbak Dewi ngrewangi Bapak lan Ibu maneh sak bubare Asar.
Amargo Wuri ngerasa mesakne marang Bapak lan Ibune, panas-panas ning sawah ora
ana sing ngrewangi. Srengenge sing wis ndelik, mertanda wis sore. Bapak ngajak
ngrampungne lan bali sak durunge kesoren. Wuri lan Dewi banjur milih dhisik,
Bapak lan Ibu nyusul amarga nggawa suket kanggo wedhus ing ngomah.
Saben
magrib, Wuri sholat ing langgar bareng kanca-kancane, Qorik, Alpi, lan Reta.
Wengi iki Wuri krasa kesel banget, nanging Wuri kudu kuwat supaya bias gawe seneng
Bapak lan Ibune. Wuri pengen dadi anak sing bekti, mula Wuri kudu manut yen
dikon, sregep nyambut gawe, sregep solat lan ngibadah, supaya dadi anak
solehkah kang di impekake Bapak lan Ibu. Sakdurunge turu, Wuri solat Isya lan
dongo marang Gusti Allah, supaya jagunge Bapak lemu-lemu lan asile apik, panen
akeh lan payu. Wuri uga pengin matur marang Bapak yen pengen ditumbasne sepatu
kanggo sekolah ing SMP. Amarga sepatune wis sesak lan ana sing wis suwek. Saben
dina Senen tekan Setu, Ibu masak kanggo didol mbak Dewi lan Wuri ing sekolahan.
Ora krasa wis sewu lan umur jagunge, Wuri matur marang Bapak, menawi panen
jagung nyuwun sepatu. Bapak ngomong yen kudu nabung kanggo mbakyune sing arep
kuliyah, menawa turah lagi ditumbasne sepatu. Wuri tambah sregep menyang sawah,
ngrumati jagung. Supaya jagunge apik kabeh ora ana sing rusak lan cukup kanggo
nabung Bapak, sukur bias turah kanggo tuku sepatu.
Kira-kira
telung sasi ngenteni, saiki wayahe ngunduh jagung. Ing sawah, panas, kesel, lan
akeh suket sing gawe gatel dilakoni Wuri kanggo ngrewangi Bapak lan Ibu. Ora
mung kuwi, saiki gaweane Wuri nambah, yaiku ngurusi jagung wiwit ngonceki,
meme, mipili, lan meme maneh. Wuri dongo ing jero ati supaya rega jangung
mundhak dadi payu lan bathi akeh. Dina Setu awan Bapak ngedol jagung. Wuri
seneng banget lan bungah banget nanging mung dipendhem dhewe. Malem Senen,
Bapak nimbali Wuri babagan penjaluke biyen. Wuri kaget lan dheg-dhegan, amarga
seneng banget. Bapak matur yen Wuri arep ditumbasne sepatu. Wuri banjur semaur
karo mesem, Wuri matur nuwun marang Bapak. Jagung sing dienteni, sing di rumat
kanthi premati, pungkasane ya ana asile. Asil kang becik. Wuri percaya menawa
kabeh iki amarga usaha lan donga nemarang Gusti Allah.
2. Amanat
Carios dongeng bocah “Jagung sing dak Enteni”.
Wonten
ing Carios dongeng bocah “Jagung sing dak Enteni” menika wonten amanat ingkang
saget dipundhut. Amanatipun inggih menika:
a. Dados
lare punika kedah sregep sinau supados saget ndamel Bapak kaliyan Ibu bungah.
Amanat punika saged
digambaraken ing babagan Wuri ingkang sregep sinau saben dinten supados saget
ndamel Bapak kaliyan Ibu bungah.
b. Dados
lare punika kedah bekti marang tiyang sepuh.
Amanat punika saged
digambaraken ing sikap Wuri ingkang manut dhateng Bapak kaliyan Ibunipun.
c. Dados
anak niku kudu sregep mbantu tiyang sepuhipun.
Amanat punika saged
digambaraken wonten ing sikap Wuri ingkang sregep mbiantu tiyang sepuhinpun
uwur jagung wonten saben lan sregep mbantu mangsak ibuipun saben dinten.
d. Menawi
gadah kakerepan mundhut barang kedah usaha kaliyan ikhtiar dhateng Gusti Allah,
mboten angsal manja.
Amanat punika saged
digambaraken wonten ing sikap Wuri ingkang sregep mbiyantu tiyang sepuhipun
ngurusi jagung wonten saben kersane Wuri saget ditumbaske sepatu anyar.
Sanesipun sregep mbiyantu Bapak kaliyan Ibu, Wuri ugi sregep donga marang Gusti
Allah kersane jagung ingkang dipun tandur Bapak saged urip supados jagung kasebut saged disade
kaliyan mangke asileaken arto ngkang katah, supados Wuri saged ditumbaske
sepatu anyar.
e. Dados
lare punika kudu sholehah.
anak sholehah wonten carios
punika digambaraken ing sikap Wuri ingkang sregep ngibadah kaliyan sholat.
f. Tulung
tinulung kaliyan gotong royong
Wonten ing cerios
dongeng bocah “Jagung sing dak Enteni” menika wonten amanat tulung tinulung
ingkang digambaraken wonten sikap kaluarga Wuri ingkang tulung tinulung kaliyan
gotong royong uwur jagung wonten saben, kersanipun pakarya punika saged dipun
pungkasi luwih gasik. Tulung tinulung ugi digambaraken wonten ing sikap Wuri,
Dewi, Ibu, kaliyan Bapak ingkang tulung tinulung.
3. Caranipun
ngudi amanat carios dongeng bocah “Jagung sing dak Enteni”.
Kagem
para pengasuh utawi Guru ngaturaken cerios nggih menika salah satunggaling
kemampuan ingkang wajib dipun kuasai lan dipun gadhahi marang Guru. Ngagem
cerios punika para pengasuh utawi Guru saged nularaken pangertosan kaliyan
nanemaken nilai budi pekerti luhur ingkang efektif kaliyan lare-lare ingkang
nampi kanthi bungah atinipun. Cerios nggih punika luwih nggadhahi kesan kaliyan
nasehat murni, dadosipun cerios saged ngrekam memori lare-lare sedaya.
Metode
ingkang dipun gunaaken kagem ngaturaken amanat saking cerios menika nggih
punika metode Role Playing, sebab punapa amargi metode Role Playing menika
bahan-bahan ajar saking pangembangan imajinasi kaliyan panghayatan para lare
siswa kaliyan meranaken kayata tokoh ingkang urip utawi benda mati. Pameranan
punika saged dipun lampahi langkung saking setunggal tiyang.
Dados,
saking cerios ingkang sampun diaturaken Guru marang lare siswanipun babagan
Jagung sing Dak Enteni, Guru saged ndawuhi para lare siswanipun nglakonaken
cerios ingkang sampun dipelajari. Wonten ing Role Playing para lare siswa
dilakokaken kayata subyek pambelajaran, kanthi aktif nglakokaken pratik-pratik
tumrap babagan bebasa.
4. Unsur
Instrinsik wonten carios dongeng bocah “Jagung sing dak Enteni”.
Unsur instrinsik
dongeng bocah ingkang judul “ Jagung sing Dak Enteni”
a. Tokoh
utawa uwong kang ana cerita dongeng kasebut
Ø Wuri
Wuri
nggih menika siswa kelas enem SDN 2 Manjung.
Ø Dewi
Dewi nggih mbak kandung
Wuri kaliyan Dewi siswa kelas tigo sekolah ing SMK.
Ø Ibu
Ibunipun
Wuri kaliyan Dewi.
Ø Bapak
Bapaknipun
Wuri lan Dewi.
Ø Qorik
Rencangipun Wuri.
Ø Alpi
Rencangipun
Wuri.
Ø Reta
Rencangipun
Wuri.
b. Watak
utawa karakter
Ø Wuri
Watak : sregep, nurut, ngajeni dhumaateng
tiyang sepuh, sopan kaliyan santun, sae tumindake saha rajin ngibadah.
“Aku pengin ngrewangi
Bapak lan Ibu kanthi tenanan, amarga ya mung pas prei aku bisa menyang sawah
ngrewangi Bapak lan Ibu nyambut gawe”
“Saben Magrib, aku
mesthi solat ana langgar”
Ø Dewi
Watak : sregep, sae tumindake, tresno marang
adiknipun kaliyan tiyang sepuhnipun, bekti dhumaateng tiyang sepuh.
“Weleh-weleh, iya Ndhuk,
iya, sing akeh ya mae, ben wareg banjur tenagane gedhe. Anggone uwur jagung
mengko saya rosa”.
“Iya, Ndhuk. Aku ya
pengin ngrewangi Bapak lan Ibu maneh. Panas-panas kaya ngene ora ana sing
ngrewangi. Gek ya mumpung Minggu, mumpung prei”.
Ø Ibu
Watak : tresno marang lare-larenipun, sregep,
sabar, gemati.
“Bapak
lan Ibu pancen sabar lan premati anggone ngolah sawah”.
“Esuk-esuk, naliko jago
padha kluruk, kira-kira jam 03.00 WIB, lampu ing pawon wis murup, uga ana swara
iris-iris, iki pratandha menawa Ibu nembe mangsak, ananging dudu mangsak sega
lan lawuh kanggo dina iki. Pancen saben dina Senen tekan Setu, Ibu mangsak
dagangan banjur digawa mabkyuku didol ing sekolahane”.
Ø Bapak
Watak : sabar, sregep, prigel, tanggung jawab.
“Bapak
lan Ibu pancen sabar lan premati anggone ngolah sawah”.
“Mengko dhisik ya ,
Ndhuk. Bapak uga kudu nabung kanggo mbakyumu sing arep kuliyah. Ya muga-muga
wae turah lan kowe bisa tuku sepatu”.
“Alhamdulilah, Ndhuk,
yen kanggo tuku sepatu wae dak kira ya cukup”.
Ø Qorik,
Alpi kaliyan Reta
Watak : setia
“Ayo,
Wur, cepet mengko awake dhewe dadi petugas upacara”.
c. Papan
panggonan
Ø Papan
: griyanipun Wuri, saben, sekolah, langgar.
“Esuke, adan Subuh aku
banjur tangi, terus solat. Sanajan adhem, rampung solat aku banjur menyang
pawon ngrewangi Ibu lan mbakyuku mangsak”.
“Bapak lan Ibu isih
uwur jagung, ya mung sepasang ora ana sing ngewangi”.
“Saben Magrib, aku
mesthi solat ana langgar. Masjid cilik iku jenenge Al-Huda.
Kancaku, ya ana sing
Magriban langgar, biyasane si Qorik, Alpi, lan Reta”.
Ø Wanci
: enjing, sonten lan dalu.
“Esuk-esuk, naliko jago
padha kluruk, kira-kira jam 03.00 WIB, lampu ing pawon wis murup, uga ana swara
iris-iris, iki pratandha menawa Ibu nembe mangsak, ananging dudu mangsak sega
lan lawuh kanggo dina iki”.
“Saya suwe saya ora
panas, srengenge sing ana kulon saya ndhelik.”
Ø Dinten
: setu, minggu.
“Pancen saben dina
Senen tekan Setu, Ibu mangsak dagangan banjur digawa mabkyuku didol ing
sekolahane”.
BAB
III
PANUTUP
C.
Simpulan
Saking
cerios “Jagung sing Dak Enteni” kasebut,
saged dipun trapaken dhateng lare SD, amargi lakon wonten jero cerios kasebut
nggadahi watak prigel kaliyan sregep mbiyantun tiyang sepahnipun nyambut ndamel
lan sregep slat ugi ngibadah supaya dados lare ingkang saged dimpekake dhateng
tiyang sepahnipun kaliyan saged ditrapaken wonten lare-lare SD sedaya wonten
ing kauripane.
Metode
ingkang dipun gunaaken kagem ngaturaken amanat saking cerios menika nggih
punika metode Role Playing, sebab punapa amargi metode Role Playing menika
bahan-bahan ajar saking pangembangan imajinasi kaliyan panghayatan para lare
siswa kaliyan meranaken kayata tokoh ingkang urip utawi benda mati. Pameranan
punika saged dipun lampahi langkung saking setunggal tiyang.
Dados,
saking cerios ingkang sampun diaturaken Guru marang lare siswanipun babagan
Jagung sing Dak Enteni, Guru saged ndawuhi para lare siswanipun nglakonaken
cerios ingkang sampun dipelajari. Wonten ing Role Playing para lare siswa
dilakokaken kayata subyek pambelajaran, kanthi aktif nglakokaken pratik-pratik tumrap
babagan bebasa.
DAFTAR
PUSTAKA
Anjarwani,
Yuli. 2013. “Jagung sing Dak Enteni.” Solo Pos. 22 Agustus 2013
Tidak ada komentar:
Posting Komentar